پاییـز
پاييز گليني...،
سطير-سطير دويغولاريندان، دوغولور شعريم؛
و واراقلارا هوپموش ايستي نفسيندن .
اللرين…
عطيرلي سطيرلرين معماري ،
و قيفيللانميش كئفيميزين آچاري.
گؤزلرين...
شهرين بوينو بوكولموش چيراغلاري!
ياناغين...
اوچ آلماليق باغچا -
اوپوشدور دوداغيندا حرفلري
دوغولسون كلمهلر !
بوي آتسين كورپه ايناملار
پوئيزياميزين پاييز گليني
شعرين -
گوزو باسيلميش نغمه لرين نفسي ،
و قارا-قانچيل ديلكلرين سيزيلتيسي.
اوخشا شعريني...
آغلا شعريني ...،
ديليم،ديليم دوغرا شعريني ...!
گويه رسين توپراقدان ديليم،ديليم "ديليم"
رسول آرانلی