یومورتا
نئجه بیلمک اولار یومورتا ساغلامدیر؟
مطبخيميزده تئز-تئز قوللاندیغیمیز يومورتا، باشقا يئمک‌لر کيمي پوزولدوقدا کيفلنمير، يا دا رنگ دَييشديره‌رک، سولماییر.
بس بيز آلديغيميز يومورتانين اؤزو ده کؤهنلديگيني نئجه آنلاياجاغيق، دئييرسينيزسه اصول چوخ راحات دير. ايچي سو ايله دولو ایستیکانين ايچينه يومورتاني قويون، يومورتانين ایستیکانـدا آلديغي شکیله گؤره يومورتانين تزه و يا کؤهنه اولدوغونو؛ حتّي نئچه گونلوک يومورتا اولدوغونو دا آنلايا بيلرسينيز.
تزه يومورتا سويا قويسانيز ديبه چؤکن زامان، ديک دايانماغا چاليشان يومورتا هله تزه‌دير، قوللانماق اولار دئمکـدير. کؤهنه يومورتا ايسه سويون سطحينه دوغرو چيخاراق آرتيق توللانما واختينين گلديگيني سيزه بيلديرير. همچنين يومورتا سينديرديغينيز زامان تزه اولان يومورتادا ساريسي ايله آغي بير-بيرينه قاريشماز.
ائويميزده بونلارا راحات نظارت ائده بيلريک. بس، چؤلده‌سه يئمگي يئيرکن قاينانميش يومورتانين تزه و يا کؤهنه اولدوغونو هاردان بيلمک اولار؟
پيشميش يومورتا اگر تزه‌ديرسه قابيقلارينين آغير سويولدوغونو حيس ائده‌جک‌سينيز. يومورتا ساريسي تام مرکزده‌دير، آغ حيصه ايسه نورمال رنگـده و ائلاستيک‌دير.
بويات اولان يومورتادا ايسه ساري حيصه‌نين قابيغا ياناشديغيني ساکيتجه موشاهيده ائده بيلرسينيز.
بس آلديغيميز يومورتانين نئچه گونلوک اولدوغونو نئجه آنلاياجاغيق دئييرسينيزسه، سو دولو ایستیکانين ايچينه قويدوغونوز يومورتاني ياخشيجا موشاهيده ائدين.
3-1 گونلوک يومورتا: سويون تاماميله ايچينه باتميش وضعيتده‌دير، بو دا بيزه يومورتانين تزه اولدوغونو گؤرسه‌دیر.
6-4 گونلوک يومورتا: ايتي اولان قيسم سويون ديبينده آرخا حيصه سي چوخ آز يوخاري دوغرو قالخماغا باشلايير.
9-7 گونلوک يومورتا: ايتي اولان قيسم سويون ديبيندن چوخ آز قالخماغا باشلايارکن، يومورتانين آرخا حيصه‌سي يوخاري‌يا دوغرو قالخميش بير شکيلـده‌دير.
12-10 گونلوک يومورتا: ايتي اولان حيصه ایستیکانين ديبينده ديک شکيلده دورور، يومورتانين آرخا حيصه‌سي تاماميله يوخاري‌يا قالخميش دير.
15-13 گونلوک يومورتا: ايتي حيصه آلتـدا، آرخا قيسمي يوخاريدا اولان يومورتا ديک شکيلده سويون ديبيندن يوخاري‌يا دوغرو چيخير.
18-16 گونلوک يومورتا: ايتي قيسمي ایستیکانين آلت طرفينده، آرخا حيصه اوست طرفده اولان يومورتا ديک بير شکيلده سويون اوستونه چيخميش دير.
کؤچورن : آیهان مییانالی