اوشاقلار نییه ناغیلی سئویرلر ؟
بو چوخ بٙسیت، عادی بیر شئی کیمیگله بیله ر، آمما ماحییتینه واردیقدا بیرچوخ آچیقلاما ایله ناغیل دانیشماغین نقٙده ر فایدالی اولماسینی ایضاح ائتمک اولار. ناغیل بیر «درمان» اصولو دور. نیطق اینکشافی، دیققتین توپلانماسی، تفکر، تخییل فورمالاشیر، مدنی اونسییت قورماسینا شراییط یارادیر، موقاییسه ائتمهیی باجاریر، خئییر و شر آنلاملارینی قاوراییر (درک ائلییر).
طبیعی ناغیللارین مضمونودا مقصده اویغون شکیلده خصوصی اولاراق سئچیلمه لیدیر.
مثلا: شیددت اوصلوبلو ناغیللار اوشاغین پیسخولوژی اووقاتینا منفی تأثیر ائدیر، قورخولار، خشونت، شیددت گؤسترمه ایستهیی، اونسییت پوزغونلوغو، یولداشلاری ایله یولا گئده بیلممه، آییلهسیندن اوزاقلاشما و حتی ایشتها پوزونتوسو بئله یارادیر.
تحلوکه یارادان بئله ناغیللار سیاحیسینا(فهرستینه) «سامیزدات ناغیللار» دئییلیر.
بعضی ناغیللار دا وار کی، اوردا جزالیندیرما اوصلوبونو گؤرمک اولور. هر بیر آییلهده تشنج یارادان، أرکؤیون بؤیودولٙن، سؤزه باخمایان اوشاق اولا بیله ر. همین جزالاندیرما ناغیللاریندا دا شیددت اولمادانهانسی فورمادا جزالاندیریب اونو منفی عمللردن چکیندیرمک اولار کیمی سواللارینا جاواب تاپماق اولار. یعنی هر بیر اوشاق موکافاتلاندیریلدیغی کیمی، نوقصانلارینا گؤره جزالاندیریلمالیدیر دا، بعضن اوشاقلار مصلحتی سِئومیر، آمما ناغیللارا قولاق آسارکٙنهانسینا منفی عملینی مطلق او ناغیلدا تاپا بیلجک. اؤزونو او ناغیلداکی قهرمان و یا عکسین یئرینده حیس ائده جک. عمللرینی گؤتور- قوی ائده بیله جک.
بوندان باشقا، مختلف دویغولاری قاورایاجاق، قارشیسینا چیخان مسألهلرله و یا چتینلیکلر زامانی همین دینلهدیی ناغیللار کُمٙهیینه گله جک.هانسی عمللرین ضررلی،هانسی عمللرین فایدالی اولدوغونو اؤیرٙنٙجک.
چئویرن: ایلقار اوجانلی