یا ابالحسن (ع)!
ای ائدن خراسانی کربلا هر غمه رضا یا ابالحسن
جدی تک قوری یئرده جان وئرن قبریوه فدا یا ابالحسن
***
سیزوسوز آفرینندیه اولان آفرینش عالمه غرض
جوهر وجود اهل عالمه هر ایکی جهان نوروزه عَرَض
رشک خلد اعلی ضریحیوی گر بهشتیله ائیلسم عوض
غبن دور منه بو معامله قیلام ادعا یا ابالحسن
***
بیر امیدیله دوتموشام سنون‌‌‌ای کرامتین کانی دامنون
ال گؤتورمرم ائتمه سن کرم ال منیم اماندور اتک سنون
آستانون ایله وسیعدور اولماییبدی مایوس دشمنون
نا امید اولا بو محبّلر گؤر اولور روا یا ابالحسن
***
آستانوزه یوز قویار سیزون آرزوسینون گلشنی سولان
ذیل لطفوزه اعتصام ائدر قلبی غصه دن قانیله دولان
باب رحمتوزدن گورونمه ییب سیّدی سیزون ناامید اولان
ائیله ییب سیزی حیّ لم یزل معدن عطا یا ابالحسن
***
ای‌هامی‌ایاقدان دوشنلرین دستگیری یا ثامن الحجج
سایه عنایتده ساخلا بو مستجیری یا ثامن الحجج
قووماز آستاندان کریملر کلب پیری یا ثامن الحجج
بیر قوجا قولام باشیم اوسته سال سایه‌ی هما یا ابالحسن
***
خانه زاد بیر مادحم سیزه درگهونده بیر کمترین غلام
نئیله ییم کی مولامه عاشقم گرچه من سیه روی بیر قولام
درد عشق ایاقدان سالیب منی گَلمیشم طبیبیم دوا آلام
جرمدور مگر عاشق اولسا گر شاهه بیر گدا یا ابالحسن
***
وار مگر گدانون تناسبی سن کیمی‌جلالتلی شاهیله
گل دئسن گلر گئت دئسن گئدر دل شکسته حال تباهیله
جانیوه قسم ائیله سن منه بیر نظاره نیمه نگاهیله
هر ایکی جهان دردیمه منیم ائیلر اکتفا یا ابالحسن
***
سن یئترسن اوچ یئرده دادینه قبریوی زیارت ائدنلرین
بیر‌هامی‌دوراندا مزاریدن بارماقی دوداقیندا دلغمین
بیرده پخش اولاندا عمللرین نامه سی کی بیر وقتدیر چتین
بیر لَدَی الصِّراط اللرین دوتوب ائیلسن رها یا ابالحسن
***
سگّیزیمجی شرطی موحّدین سنسن ای‌هامی‌عالمه رجا
من غریب و بی یار و یاورم یوخ منه اولان کیمسه ملتجا
بو غریبه بیر لطفیله نظر ائیله سن اگر چوخ اولور به جا
ای غریق بحر مصائبه یار و ناخدا یا ابالحسن
***
ای غزال وحشی دلین بیلن من اسیر آلام و بی کسم
یوخ دلیم ائدم دردیمی‌بیان قویما سندن امّیدیمی‌کَسَم
وئرّم ای امید جهانیان فاطمه آنان حقینه قسم
سن آقالیقون ائیله باخما وار منده چوخ خطا یا ابالحسن
***
قاره پوش ایدوبلر ضریحیوی چون شهادتوندور سنون شها
وا رضا سسی شهری دولدوروب مشهدی دوتوب شیون و نوا
شیعه لر وورور باشه آغلاییر کربلا بساطی اولوب به پا
طوس اولوب بو داد و نوائیله دشت نینوا یا ابالحسن
***
میهماندی بو سعدیّ زمان اوز قوناقیوه بیر نوازش ائت
بو یوزی قرا نوکرونله گَل مهریله عطوفتله سازش ائت
من حسینیم مادحم سیزه منکر و نکیره سفارش ائت
ائتمه سینله مدّاح حضرتون قهریله ندا یا ابالحسن
مرحوم سیدرضا حسینی