آنا
کاش زولفونه من گونده آنا شانه اولئیدیم
هر آن دولانیب باشیوه پروانه اولئیدیم
قلبینده آخیب دوغروسو قان تک دولانئیدیم
یا کؤنلومو یارمیش سن اوچون خانه اولئیدیم
بیل کیم او خومار گؤزلری نین عاشقی یم من
ای کاش او خومار گؤزلره پیمانه اولئیدیم
کاش گؤز یاشی اولموش سوزولئیدیم صوراتیندان
یورقون چاغی لب لردن آخیب چانه اولئیدیم
کاش دونیا چؤنئیدی آنا بیر قوش تک اوچئیدین
ائلدن آرالی منده سنه لانه اولئیدیم
من بو سؤزو آلدیم دادا نین بو غزلیندن:
کاش سن تکی شمعه آنا پروانه اولئیدیم
دادا