قلمه
تبریز قلمه سی ، خزان ائدن ، ائنلی یارپاق و نور سئوه ن آغاجلارداندیر. گوللری یاز فصلینده یارپاقدان قاباق گؤرسه نه ر . جاوان قلمه نین قابیغی چوخلو آغ یا یاشیلا چالمیش دیر. آغاجین یاشی چوخالدیقجا قابیغی نین چاتلاقلاری درینله شیر و رنگی قارایا چالیر.
یارپاقلاری اوره ک شکیلینده یا اوزون یومورتا شکیلینده دیر. بو نوع آغاجین باشقا آدلاری بئله دیر: صنوبر، راجی، کبوده ، تبریزی، سپیدار، قلمه ،
تبریزی آغاجی نین چوخالتماق یولو:
بو آغاجین چوخالتماق یولو توخوم ایله موشگولدور ، آنجاق پیل وورماق لاپ یاخشی و آسان یولودور.
پیل گره کدیر آغاجین جاوان و بیر ایللیک قوللاریندان گؤتورولسون و تئزجه یئره وورولسون.
بو آغاجین چوخ ایشیغا نیازی واردیر.
ایستی واختلاردا سو چوخ ایسته ییر.
معمولاً بو نوع آغاجین تنه سیندن و بوغازیندان جوجه ریب چیخان شوولری داللایارلار تا آغاج اؤزون یوخاری چَکسین.
باغلاردا یئل سیندیرماق اوچون یا حصار اوچون آز فاصله ایله اَکیرلر.
پارک لاردا و خیاوان قیراقلاریندا دؤرد مئتیر آرا وئرمه کله ، اکیب اونون کؤلگه سیندن و منظره سیندن فایدالانماق اولار.
تبریزی آغاجی نین تورپاقی معمولی باغچا تورپاغی دیر آمما اگر سو آز وئرلسه تئز جاندان دوشه ر. پس یاخشیدیر چوخلو سو قیراقلاریندا اکه ک.
بو آغاجی بعضی ویلالاردا یئلین قاباغین آلماق اوچون دیوار قیراقلاریندا اکیب یئکه لده رلر.
قایناق: اینترنت/ پایگاه آموزشی پرورشی گل و گیاهان زینتی و نهال
چئویره ن: الف. ع