دارچین آغاجی
بو بیتگی برگ بو طایفاسینداندیر . اصل یئری سریلانکا و هند اؤلکه لری دیر. دارچین آغاجی نین قابیغیندان ادویه اوچون فایدالانارلار.
همیشه یاشیل بیتگی لردن دیر. اوجالیغی اون بئش مئتیره دک چاتار. یارپاقلاری یومورتا شکیلینده ، یئددی سانت دان اون سگگیز سانتیمئتیره دک اوزونلوغودور.
گوللری باششاقدا اولور و یاشیل رنگینه چالیر.
بو بیتگی نین میوه لری بنفش رنگینده دیر و ایچینده بیر دانا توخوم واردیر.
بو آغاجی اکه ندن ایکی ایل سونرا ، اونو یئرین یاخینلیغیندان کسه رلر و گلن ایلده دیبدن جوجه رن قوللاری که سیب ، قابیغین آییریب، تئز قورودارلار. سونرا کیچیک تیکه لره بؤلوب ساتیشا وئره رلر.
چینی دارچینلاردا ، آغاجین ائشیک قابیغی واراق واراق اولدوقدا اونلاردان گون قاباغیندا قورودوب فایدالانارلار.
بو بیتگی بوتون گونه وه ر و یاری گون یاری کؤلگه یئرده یاخشی بیته ر .
تورپاغی گره کدیر چوخ برک اولماسین و کئشه لن یئرده بیتسین. چون تورپاغی سو ساخلاسا و باتلاقا دؤنسه آغاج تئز بوغولوب قورویار.
بو بیتگی نین تورپاغی آزجا تورش اولمالی دیر. ایستی و شئهلی‌هاوانی سئوه ر .
دارچین آغاجی قورو یئرلرده یاخشی ایشله مه ز. گره کدیر قورو اؤلکه لرده اکیلمه سین.
بیر اؤلکه ده کی هر ایل ، یوز اللی گون اورا دا یاغیش اولار ، بو بیتگی اوچون لاپ یاخشی یئردیر. پس بو مقدار یاغیش اولمایان یئرده گره کدیر او قده ری سو آغاجین دیبینه یئتیریلسین .
بو بیتگی ، توخوم و قلمه یولو ایله چوخالار.
قایناق: اینترنت / پایگاه اطلاع رسانی گل و گیاه
چئویره ن: الف.ع